Алматы ӨКП жанынан құрылған білім және денсаулық сақтау жөніндегі кеңес сайлауға дайындығын пысықтады
Соңғы уақытта Қазақстанның білім беру және денсаулық сақтау саласында маңызды өзгерістер орын алуда. «Атамекен» кәсіпкерлер палатасы шеңберінде осы бағыттар бойынша кеңестің жақында өткен отырысы жұртшылықтың назарын аударды, өйткені күн тәртібінде өңірлік кеңестерге сайлау процесі талқыланды.
Бұл қадам елдің негізгі салаларының дамуына әсер ететін жаңа құрылымды қалыптастыру үдерісіндегі маңызды кезең болды. «Атамекен» палатасының білім және денсаулық сақтау жөніндегі кеңесінің отырысы аясында өңірлік кеңестерге сайлауды дайындауға және өткізуге басты назар аударылды. Бұл кеңестер жергілікті білім беру және медициналық салалардағы қызметті басқару және үйлестіру үшін маңызды болады.
«Біздің ортақ мақсатымыз – бизнесті қолдау және саланың жұмысын жақсарту. Денсаулық сақтау және білім беру - қиындықтар көп кездесетін салалар. Біздің блок адамдармен, денсаулықпен, болашақпен, балалармен тығыз байлансысты, сондықтан сайлауға белсене қатысуымыз қажет. Сайлау барысының шарттары әр қайсыңызға жеткізілді, қосымша ақпарат беруге біздің мамандар әрдайым дайын. Сайт пен әлеуметтік желідегі парақшамызға да салынады», - деп атап өтті Алматы қаласы «Атамекен» ӨКП директорының орынбасары Ақеркін Эралиева.
Бұл кеңестерге сайлау жергілікті кәсіпкерлер мен мамандарға аймақтың дамуына қатысты шешімдер қабылдауға белсенді қатысуға мүмкіндік беретін басқаруды демократияландырудың элементі екенін атап өткен жөн. Талқылау кандидаттарды іріктеу критерийлері, білім беру және медициналық реформаларды жүзеге асырудағы аймақтық кеңес мүшелерінің рөлі, сондай-ақ бизнес өкілдерінің осы процестерге қатысуының маңыздылығы сияқты негізгі мәселелерге қатысты болды.
Пікір қалдыру:
Пікірлер: