Астанада БАБӨ: үш үздік тауар анықталды
Глютенсіз қоспа, пастила, киізден, күмістен және былғарыдан жасалған ұлттық стильдегі бұйымдар нарықтық әлеуеті жоғары тауарлар ретінде танылады. Астанада «Бір ауыл – бір өнім» жобасы аясында жергілікті шикізаттан және қолдан жасалған тауарларды өңірлік іріктеу қорытындысы шығарылды.
Астана қаласы Кәсіпкерлер палатасы директорының орынбасары Нұргүл Ахметованың төрағалығымен өткен бренд-комитет отырысында Астанада 5-7 шілдеде өткен «Бір ауыл – бір өнім» көрмесінің қорытындысы бойынша үздік 10 тауар ұсынылды.
«Бір ауыл-бір өнім» жобасы (БАБӨ) 2021-2025 жылдарға арналған кәсіпкерлікті дамыту жөніндегі ұлттық жоба шеңберінде құрылған «Мен кәсіпкер» бағдарламасының құрамдас бөлігі болып табылады. Оның аясында биыл Қазақстанның барлық қалаларында алғаш рет аттас көрмелер өткізілуде. БАБӨ жобасы қарапайым азаматтардың әл-ауқатын, өмір сүру деңгейін арттыруға, әйел кәсіпкерлерге өз өнімдерін өткізу нарығын кеңейтуге, әрі қарай экспортқа шығуға жәрдемдесуге бағытталған», – деп атап өтті Нұргүл Ахметова.
Әрі қарай іріктеудің бірінші кезеңінің барлық он қатысушысы өз өнімдері мен тауарларын таныстырды. Бағалаудың негізгі өлшемшарттары -өнім немесе тауар жергілікті шикізаттан жасалуы керек, сонымен қатар оны өндіруде айтарлықтай қаржылық шығындарды қажет етпейтін жеңіл, қарапайым құралдар мен механизмдер қолданылуы керек.
«Нарықтық әлеуеті жоғары ең перспективалы тауарлар» «Көркем жер» ЖШС-нің Organic Food брендімен глютенсіз қоспасы, «Қабдулинова» ЖК өндіретін жергілікті жидектер мен жемістерден қантсыз және қоспасыз үй пастиласы және қолөнерші Биназира Жұмабекованың ұлттық стильдегі киізден, күмістен және былғарыдан жасалған бұйымдары болды», деді – Астана қаласы Кәсіпкерлер палатасы директорының орынбасары.
«Көркем жер» ЖШС басшысы Жанна Неталиеваның айтуынша, оның тауарының бірегейлігі бұған дейін Қазақстанда глютенсіз қоспаны өндірмеген, ол тек әкелінген. Енді оның компаниясы үйде де глютенсіз нан пісіруге мүмкіндік беретін бірегей мәзір әзірледі.
Пастила өндірушісі Лаззат Қабдулинова пастила аймақтағы барлық жидектер мен жемістерден қант қоспай арнайы кептіргіште өндірілетінін атап өтті. Бұл нәзіктік Қазақстандықтардың үстелдерінде өз орнын ала алады, деп санайды ол.
Өз кезегінде, киізден, күмістен, былғарыдан, жылқыларға арналған аксессуарлардан, жүннен басылған киімдер өндірумен айналысатын Биназира Жұмабекова қолөнердің бұл түрімен бүкіл отбасы айналысатынын, өнердің кейбір сырлары ұрпақтан-ұрпаққа берілетінін атап өтті.
Әйелдерге маркетингтік сүйемелдеу, өнімді (тауарды) брендтеуге және сертификаттауға, тауарды экспортқа жылжытуға көмек көрсетіледі.
Бренд-комитет құрамына Астана қаласы Кәсіпкерлер палатасының басшылары, Астана қаласы Кәсіпкерлер палатасының Іскер әйелдер кеңесінің мүшелері, «Астана қаласының Инвестициялар және кәсіпкерлікті дамыту басқармасы» ММ сауда және қызмет көрсету саласын дамыту бөлімінің, Астана қаласы Санитарлық-эпидемиологиялық бақылау департаментінің, Астана қаласы бойынша Сауда және тұтынушылардың құқықтарын қорғау департаментінің басшылары, Астана қаласы бойынша Сауда және тұтынушылардың құқықтарын қорғау департаментінің, «Ұлттық сараптама және сертификаттау орталығы» АҚ директорының орынбасары, "Astana «Әлеуметтік-кәсіпкерлік корпорациясы» АҚ басқарма төрағасының орынбасары кірді.
Пікір қалдыру:
Пікірлер: